Басты

     Гимназиямыздың жасөспірімдер командасын аудандық баскетбол жарысында 2-орын алғанымен құттықтаймыз!
Жарайсыңдар !!!

     Волейболдан аудандық жарыста 2-орын алған гимназиямыздың жасөспірімдер командасын құттықтаймыз! 
Ойындарыңызға, табандылықтарыңызға және командалық рухтарыңызға мақтанамыз.

     5 қараша күні аудандық «Ыбырай Алтынсарин оқулары – 2025» байқауы өтті. Маликқызы Айлым байқауда жүлдегер атанып, құрметті ІІ орынды иеленді!  Оқушыны жоғары деңгейде дайындаған Иманалинова Аян Қонысбаевнаға алғысымызды білдіреміз.  Алдағы уақытта да шығармашылық табыс пен жаңа жеңістер тілейміз!

     21.11.25  Е. Есжанов атындағы №9 ЖББМ мектеп базасында 5–6 сынып оқушыларына арналған «Алтын сақа» Республикалық математикалық олимпиадасының аудандық кезеңі өтті. Жарыс қорытындысы бойынша 5 «Б» сынып оқушысы, Мухамбетов Ихсан I орынды иеленді  — бұл оның еңбегінің, талпынысының және математикалық қабілеттерінің лайықты жемісі. Пән мұғалімі: Горбунов Д. С. Құттықтаймыз!!! 
     Ихсанға алдағы уақытта жаңа жеңістер, өзіне деген сенім және математиканы меңгеруде зор табыстар тілейміз! Бұл жарқын жеңіс оның үлкен жетістіктерге бастар жолының бастауы болсын!

     2025 жылғы 21 қарашада Қостанай қаласында облыстық Қазақстан халқы Ассамблеясының «Достық үйі» ұйымдастырған «Мемлекеттік тілге жеті қадам» жобасының облыстық форумы өтті.
     Біздің оқушылар бұл шарада мектеп абыройын жоғары деңгейде көрсетті.
7 сынып оқушылары Иващенко Анастасия мен Романович Ольга
мемлекеттік тілдің мәртебесін арттыруға қосқан үлесі үшін алғыс хаттармен марапатталды. Қатысушыларды дайындаған педагог — Иманалинова А.К.
     Дарынды оқушыларымызды құттықтаймыз, алдағы оқу жолында толағай табыстар тілейміз! Білімге деген ұмтылыстары мен мемлекеттік тілге деген құрметтері арта берсін!

     Құттықтаймыз біздің гимназия педагогтарын 
биология пәні мұғалімі Меньк Елена Александровнаны және көркем еңбек пәні мұғалімі Есенкельдина Анастасия Викторовнаны! Олардың әдістемелік жетекшілігімен дайындалып, Корчагина Эвелина қорғаған ғылыми жоба Республикалық ғылыми жоба конкурсының облыстық кезеңінде II орын иеленді! Бұл нәтиже — педагогтарымыздың кәсіби шеберлігінің, жоғары құзыреттілігінің және шығармашылық әлеуетінің айқын дәлелі.
     Сіздермен мақтанамыз және алдағы уақытта да жаңа жетістіктер мен жеңістер тілейміз! 

«ЖАС ҰЛАН» ГИМНАЗИЯСЫНЫҢ ЮПП ОТРЯДЫН ҚҰТТЫҚТАЙМЫЗ!

     Біздің жас полиция көмекшілері гимназия намысын абыроймен қорғап, аудандық слётте 2-орын иеленді!
     Команда барлық 6 кезеңнен де сенімді, шабытпен өтіп, білімін, бірлігін және жоғары дайындығын көрсетті.
Байқау нәтижелері:
1 орын — «Құқықтық кроссворд»
1 орын — «Білімпаздар байқауы»
2 орын — «Үздік үгіттік топ»
2 орын — «Видеороликтер байқауы» («Құқықтық тәртіп күзетінде — ЮПП отряды»)
     Отряд жетекшісі — Махмутова М.В.
     Сіздермен мақтанамыз! Тәртіптің, жауапкершіліктің және бірліктің үлгісі бола беріңіздер!

ГИМНАЗИЯНЫҢ МАҚТАНЫШЫ! ҚАЗАҚСТАННЫҢ МАҚТАНЫШЫ!

     Шексіз қуаныш және зор мақтаныш сезімімен хабарлаймыз: Анастасия Шумкова, гимназияның 10-сынып оқушысы, халықаралық ынтымақтастықты дамытуға, дәстүрлі құндылықтарды сақтауға және Еуразия кеңістігіндегі мәдени байланыстарды нығайтуға қосқан үлесі үшін берілетін беделді Халықаралық Сыйлықтың қола лауреаты атанды! 
     «Жарқын бастау» номинациясында түрлі елдерден қатысқан көптеген талантты үміткерлер арасынан Анастасия Қазастанның атынан өз авторлық жобасы KAZLIT арқылы құрметті III орынды иеленді. Бұл жоба — қазақ мәдениетінің байлығын заманауи форматтар арқылы танытатын бірегей бастама.  Біз өзіміздің талантты, шабыттанған және мақсаткер оқушымызбен мақтанамыз! Бұл жетістік жаңа биіктерге, тың жаңалықтар мен халықаралық мойындауға бастайтын алғашқы қадам болсын!